Ég heiti Alfreð Fannar Björnsson, betur þekktur sem BBQ kóngurinn. Ég elska grillaðan mat og grilla um það bil 300 daga á ári. Á pallinum er ég með allar helstu tegundir af grillum: Gas-, kola- og rafmagnsgrill ásamt reykofni og það nýjasta er Pellet-grill sem kemur skemmtilega á óvart.

Ég er virkur á Instagram þar sem ég sýni frá öllu því helsta sem ég er að gera á grillinu og gaf út sjónvarpsþætti á Stöð 2 sem voru tilnefndir til Edduverðlaunanna 2021. Nýjasta verkefnið er grillbók sem ég hef verið að vinna að undanfarin ár sem heitir BBQ kóngurinn.